نجم الزمالك السابق يهاجم بيزيرا: لازم ياخد على دماغه

هاجم محمد صلاح، نجم نادي الزمالك السابق، اللاعب البرازيلي خوان بيزيرا، بسبب أزمته مع النادي وعدم عودته حتى هذه اللحظة وانضمامه لمعسكر الفريق المقام بمدينة العاصمة الإدارية.

وقال صلاح في تصريحات تليفزيونية: «بيزيرا لو عارف قيمة الزمالك قبل ما ييجي ما كانش عمل كده لازم ييجي لأنه واخد مستحقاته كاملة وبعد كده يتوقع عليه عقوبة كبيرة جدا ويكون عبرة ازاي مش هييجي هو هيعمل فيها عفريت ويتنمرد على النادي لا ده ياخد على دماغه وبعد العقوبة معتمد جمال ياخد قراره براحته سواء يلعب أساسي أو يكون على الدكة».

وتابع: «بيزيرا قعد يعمل أفلام وتمييس على الجمهور وكابتن حسن شحاتة اللي قالوا صح 100% والمفروض الناس تعتذر له دلوقتي».

الزمالك يحاول الوصول لحل مع بيزيرا

ويحاول مسؤولو نادي الزمالك الوصول لحل مع خوان بيزيرا سواء بالاستمرار حتى يناير المقبل والرحيل من خلال النادي أو الاستمرار حتى نهاية الموسم ومن ثم الرحيل أو الرحيل في الوقت الحالي، ولكن بشروط النادي والذي طلب الحصول على 6 ملايين دولار دفعة واحدة.

ورفض مسؤولو النادي عرضا رسميا تلقاه اللاعب البرازيلي من نادي شباب أهلي دبي بمقابل 4 ملايين دولار، إذ طالب مسؤولو القلعة البيضاء من أجل الموافقة على رحيل بيزيرا الحصول على 6 ملايين دولار دفعة واحدة.