هند سعيد صالح تكشف تفاصيل مؤثرة عن ياسمين أبو النجا بعد رحيلها

كشفت هند سعيد صالح، عن تأثرها بوفاة ياسمين أبو النجا، ابنة الفنانة المعتزلة نجلاء فتحي وابنة سيف أبو النجا، مؤكدة أنها لا تعرفها معرفة شخصية، لكنها كانت صديقة مقربة لابنة عمها.

هند سعيد صالح تكشف سر تأثرها بوفاة ياسمين أبو النجا

وكتبت هند سعيد صالح: «أنا ماعرفش ياسمين أبو النجا الله يرحمها بشكل شخصي، بس بنت عمتي من أعز صحابها من أيام الكلية، يعني من حوالي 30 سنة، ومفيش مرة نتقابل أو نتكلم إلا لازم تجيب سيرتها وتتكلم عنها بكل حب، فبقيت دايمًا شايفة ياسمين دي ملاك ماشي على الأرض من حب إيمان فيها وكلامها عنها».

وتابعت هند: «امبارح وأنا بكلم إيمان بنت عمي أعزيها بتقولي الوحيدة اللي بتسأل عني، الوحيدة اللي كانت ترغي وتحكي كتير عن حاجات محدش يعرفها عنها، وكانت بتكلمني تغنيلي في التليفون».

رسالة هند سعيد صالح لياسمين أبو النجا

واختتمت هند سعيد صالح: «سبحان الله وفاتها مأثرة فيا كأني أعرفها من سنين، ربنا يكون في عون اللي عرفوها واتعاملوا معاها، والأهم ربنا يصبر أمها وأبوها ويقويهم ويربط على قلوبهم، دي كانت بنتهم الوحيدة».