ممدوح عباس: لا أدافع عن حسين لبيب.. وهناك أشخاص داخل مجلس الزمالك يريدون فشله

قال ممدوح عباس، الرئيس الشرفي لنادي الزمالك، إن هناك أشخاصا داخل مجلس إدارة القلعة البيضاء لا تريد نجاح حسين لبيب رئيس النادي الحالي، والذي يتحمل الكثير من أجل النادي.

وقال عباس، في تصريحات تليفزيونية له: أنا ما بدافعش عن حسين لبيب، بالعكس أنا مختلف معاه في حاجات كتير، ولكن أنا بسأل: يقدر يعمل إيه؟ يقدر يعمل إيه إذا كان هو مش قادر يوحد مجلس الإدارة على قرار؟ مش قادر مش قادر، وفيه حد بييجي يقعد له خمس دقائق ويقوم سايب مجلس الإدارة وماشي، يعمل إيه يعني؟ قولوا لي يعمل إيه؟.

وتابع: الراجل برضه له طاقة عصبية، وطاقة معنوية، وطاقة فكر.. وهو مش قادر يتحمل الضغط اللي عليه، والضغط بيزيد عليه لدرجة إنه بيروح المستشفى وبالمناسبة، أنا بقالي شهرين ونص تقريبًا مفيش أي حديث بيني وبين حسين لبيب إنما في الوقت نفسه، أنا عايز أقول إن حسين لبيب بيتحمل كتير جدًا، خصوصًا في ظل وجود ناس داخل مجلس الإدارة عايزة تهده.

وأكمل: أنا بقولها بصراحة، وممكن أقول أسامي، لكن أنا في حِل من الكلام ده؛ لأن الموضوع ده عيب ده وقت إنك تقف وتدعم نادي الزمالك، مش وقت إننا نقضي على بعض.

الزمالك بدأ الدوري بالتعادل السلبي

وكان نادي الزمالك بدأ بطولة الدوري بالتعادل السلبي أمام الاتحاد السكندري على استاد القاهرة الدولي.