«أنا مين وعايزة إيه؟».. لايف كوتش تكشف طريقة فهم الذات

قالت اللايف كوتش نرمين البحيري إن هناك سؤالين أساسيين يجب على المرأة طرحهما على نفسها قبل اتخاذ أي قرار مصيري في حياتها، وهما: «أنا مين؟ وعايزة إيه؟»، مؤكدةً أن الإجابة عن هذين السؤالين تساعدها على فهم ذاتها وتحديد ما تريده بوضوح.

تحقيق حالة من التوافق

أوضحت «البحيري»، خلال لقائه ببرنامج «الستات ما يعرفوش يكدبوا»، عبر شاشة «cbc»، أن المرأة تبدأ من خلال ذلك في تحقيق حالة من التوافق مع نفسها، قائلة: «هنا ببدأ أتوحّد مع نفسي، علشان أبقى قوية وواقفة على أرض صلبة، وأقدر أخطّي كل خطوة ثابتة».

وعن كيفية الوصول إلى هذه المرحلة والتعرف على الذات بشكل أفضل، أشارت إلى أهمية تخصيص وقت للجلوس مع النفس، من خلال «الخلوة مع النفس»، والاستعانة بورقة وقلم لطرح الأسئلة والإجابة عنها بصدق.

وقالت: «من خلال الخلوة مع نفسي، ورقة وقلم، وأقعد مع نفسي أتكلم وأسأل أسئلة: إنتِ عايزة ده ليه؟ وإيه القيمة اللي إنتِ هتستفيديها من حاجة زي كده؟ وإيه الثمن؟».

قدرة الإنسان على تحمل ثمن القرارات

أكدت نرمين البحيري أن قدرة الإنسان على تحمل ثمن القرارات تختلف من شخص إلى آخر، مُوضحة أن ما يستطيع شخص تحمله قد يكون غير ممكن بالنسبة لشخص آخر.

وتابعت: «كل واحد فينا يقدر يدفع ثمن، بس مش شرط التاني يقدر يدفعه، ممكن اختيارين، أنا أقول لك أنا أقدر أدفع الثمن ده، وإنتِ تقولي لا، أنا مستحيل أقدر أدفعه، وأنا أقدر أدفع الثمن ده».