محمود سعد يكشف أمنيته في فيلم كايروكي: «نفسي أشرب قهوة مع أمي»

شهد الفيلم القصير الذي طرحته فرقة كايروكي بالتزامن مع ألبومها الجديد، لحظة إنسانية مؤثرة، بعدما وجه أعضاء الفرقة سؤالًا للإعلامي محمود سعد، قائلين: «هل في يوم أو مرحلة تحب ترجع ليها تاني، أو تعديها تاني من حياتك؟»، ليأتي رده محملًا بالكثير من المشاعر والحنين.

أمنية محمود سعد يكشف

وقال محمود سعد: «أنا مش بتاع ليت الشباب يعود يوما، الحمد لله إنه عدى وخلصنا منه، بس طبعًا نفسي في يوم أو دقيقة واحدة وأنا قاعد مع أمي وبشرب قهوة، وبعدين تخلص الدنيا مش مشكلة، دقيقة واحدة.. هو الكلام مش هيوصفها، هي روح إنك تقعد مع حد تشرب معاه قهوة وسيجارة، قعدة هادية ونتكلم في أمور حياتنا، دي قعدة أنا مفتقدها من 30 سنة».

وأضاف: «أنا كان نفسي أمي تشوفني وأنا مشهور كده، وتقعد جنبي في العربية ويندهوا ليّا، عشان تحس إن المجهود اللي عملته نجح، مش عشان أنا اتبسط، عشان هي تحس إن مجهودها مراحش على الأرض، ست كان عندها 27 سنة بتربينا، فعشان هي تعبت أوي، ربنا يقولها اتبسطي بقى يا كوثر، كل الأمور تمام».

أسئلة إنسانية

وجاءت كلمات محمود سعد ضمن المشاهد الحوارية التي تضمنها الفيلم، والتي اعتمدت فيها فرقة كايروكي على طرح أسئلة إنسانية وفلسفية، لتقديم الألبوم في قالب سينمائي مختلف، يمزج بين الموسيقى والدراما والقصص الشخصية، وهو ما لاقى تفاعلًا واسعًا من الجمهور عقب طرح العمل.