بدرية طلبة تطلب المساعدة من النائب العام بسبب حساب مزيف ينتحل هويتها

وجهت الفنانة بدرية طلبة استغاثة إلى  النائب العام، استكمالًا للبث المباشر الذي خرجت به مساء أمس، بشأن شخص أنشأ صفحة مزيفة باسمها، ونشر من خلالها عنوان منزلها ورقم هاتفها، وتحدث مع الجمهور مدعيًا أنه هي، طالبًا منهم إرسال محتوى غير لائق عبر تطبيق “واتساب”.

وكتب عبر حسابها الرسمي على موقع التواصل الاجتماعي لتبادل الصور والفيديوهات الانستجرام: “البوست دا موجه لسيادة النائب العام تكمله للايف امبارح الحكم المفروض انهاردة في القضية المرفوعه ضدد شخص عاملي صفحة عليها عنوان بيتي ورقم تليفوني”.

وتابعت: “ وبيشيت مع الرجاله علي انه صاحبة الصفحة ويخليهم يدخلو واتساب يقولهم ادخلو ابعتو فيديوهات وعندى شاهد على الكلام دا والمحكمة انهاردة حكمت بانقضاء الدعوى الجنائية بانقضاء المدة المرور اكثر من ثلاث سنوات على الواقعة واحالة الدعوى المدنية الى المحكمة المدنية المختصة ولذلك هيتم تقديم طلب للنيابة العامة بالطعن”.

وأضافت: ‘ على الشق الجنائي في الدعوى بالاستئناف لان المرفوع عليه القضية محامى وبيعرف يتعامل كويس بالقانون طبعا وله اصحاب بيقفو جنبه انا قضيتى بيحصل فيها حاجات مش مفهومة ولسه متحكمش عليه لكن هو رفع عليا قضية وكسبها في خلال شهر”.

وأكدت: “ ولو اتراجعت القضية دى كويس حتعرفو أني أتظلمت فيها لدرجة ان راح معايا النيابه اتنين صحفين محترمين يشهدو معايا ضدده علشان شافو اللي حصل وشافو انه استفزنى لكن اتفاجأنا بصراحة بوكيل النيابه لدرجة انهم طلبو يعملو عدم تعرض منه لانه كان بيهددهم قدام وكيل النيابة عادي جدا”.

وأشارت إلى: “والاثنين موجودين احياء يرزقون والمشكله كانت بيني وبين الشخص دا انه ستفزني علي جروب كبير فيه صحفيين واعلاميين واخد الرسائل الصوتيه بتاعتى اللى كنت برد عليه فيها وعمل بيها قضية واتحكم لهم بتعويض مادى هما بس كانو محتاجين اسماءهم تتذكر جنب اسمى ويتشهرو على حسي ودا اللى سكتنى انى فهمت”.

وأكملت: “ غرضهم من استفزازى هو ومراته طليقته حاليا لكن متوصلش أنه كمان يسب بنتي ويعملي صفحات حتى على اليتيوب ويعمل صفحة مقرفة زي دي ومباحث النت تثبت ان هو اللي عاملها بالايميل بتاعه وبرقم تليفونه وفي الشات بيتكلم عادي ولا همه ارجوكم اهتمو بقضيتي انا من ۲۰۱۹ في القرف دا ورفعت القضيه في ۲۰۲۱”.

استطردت قائلة: “ولسه مطوله في المحكمه حقى حيروح في الوقت اللي فيه ناس حقها بيجى في اسبوع وادي حضرتك 1 من الشات والصفحات والبوستات اللي هو عملهالى وبوستات عليا علي صفحته علنا بیشتم فيا وفي جوزى رحمة الله عليه انا نفسي افهم مين دا؟؟ علشان حقي يروح معاه سيادة النائب العام انا رقمى علي السوشيال ميديا”.

واختتمت:” وعنوان بيتي طب لو غيرت رقمى اللي عليه كل شغلي ازاي حغير سكني !!!!! وكمان حاطت رقمی على جروب تعارف برا مصر حنزل صور شوف كم الارقام اللي عاملالها حظر وكم الارقام اللي بتبعت رسايل قذرة وانا بلتمس لهم العذر لان اللى واصل للرجاله دول ان الرقم لست بتروج لنفسها مش ست ام لبنات وعندها احفاد شيرو البوست من فضلكم”.